痛?

痛係人生必經的,無論係條街仆親(biological pain) 或者 被女飛傷心欲絕 (sadness induced angina),都痛痛痛。但係其實痛無乜何怕,問題係點解同點處理。

痛其實係一種警報系統,理論上有受傷身體會有反應,用痛感去阻止你傷上加傷的風險。但係人類個腦其實好多bugs,有痛又唔一定有事 — 例如好多腰痛根本無乜問題,驚就痛成世;無痛又唔一定無損傷 — 前十字韌帶撕裂(ACL tear)後無做手術,做完復康又唔痛行得走得跳得。基本上同一種刺激,越多神經線的地方會越痛,越多血到的地方又越多神經線。可以睇homunculus model (Fig.1 ), 你就知身體表面邊到最sensitve。

痛基本上分傷害性 (nociceptive), 神經病變性 (neuropathic) 同 其它。傷害性痛係講緊有組織受刺激而引起的(神經線除外);神經病變性痛就指神經線受刺激而引起的;其它類別就少有的,例子如幻肢痛(phantom limb pain) — 大多發生在手腳已截肢的患者。唔講太深入,因為真係會好悶。

一再強調受刺激唔等於受傷,身體其實可以因為係腦到或是身體周邊將小小刺激ampify,令到自己覺得好痛。過去的經歷、對痛感的估計、本身對痛的理解全部都大有關係。有人做gym 做到周身痛有 delay onset muscle soreness (DOMs) 然後自 high ;有人舉多兩下已經喊痛。臨床上,傾下計,做下輕輕的呼吸練習,就少痛咗是十分常見。之前有人問靜座有無用,答案係有!我個人會推介 “mindfullness” — 有人叫佢就 “正念” ,但其實係 “感知當下”。

此外睡眠質素大有影響。一個人瞓得唔好,有病難醫。所以大家D睡眠衛生要做得好,唔係有病痛唔好喊。

Sensory homunculus - Stock Image - C017/6826 - Science Photo Library
Fig.1 homunculus

有痛你要思考係點處理。

思路例子:
1. 你有明顯受傷的過程嗎? (例如, 打rugby,膊頭撞膊頭甩骹)
2. 你近期心情好嗎? 大壓力嗎?
3. 舊患? (未完全處理好的傷唔叫新傷唔叫舊患,叫未好過)
4. 有無pattern?
5. 理論上要幾耐先好? (例如腰痛50%機會3日內大有改善,90% 1個月內自行恢復;又例如肌肉輕微撕裂兩星期到就無大問題。)
6.有方法可以自己處理嗎? 做下動作?熱敷?冰敷?
7.求救?

自己處理唔到就唔好拖,早日尋求協助吧。

其實大部份痛無乜可怕,如何處理面對,理解自身,對症下”藥”才是重點。

P.S. 打中文對小弟來說不容易,加上近期無乜靈感,盡量兩星期至少寫一遍吧。或者想知D乜都可以問下。

訂閱
通知
guest
0 Comments
Inline Feedbacks
View all comments