追求真價值投資之道

2020/9/30雪明日記

呢篇文應該昨晚出,然而中午飲左杯凍檸茶,或許太濃太刺激搞到胃痛,都無乜心緒去打文章,唯有留待翌日才寫,算是偷了一懶,不過我都唔想。

人大左,應該吃喝些自己能消化吸收而有用的食物飲品,運動亦如是,應該由過去競技心理轉為保健運動心態,年紀大機器壞,雖然只是三十餘年歲但而家唔注重唔通等真係壞左先來可惜就未免太傻。

有時投資亦一樣,過去追逐無限回報到現在生活、壓力及回報之中取得平衡,有時做到了一定水準就會要求舒適多於競逐,人生不為錢而來,舒舒服服賺到好好的回報比起辛辛苦苦追逐無限的回報總要好,身體由為壓力等原因壓跨了有錢都無意思。

今朝講起季度總結,例如十倍大神有七成回報,老尾哥都有近五成,而我45%左右,我想補充一點,今日的回報率不等於明天,你要做到好好回報率不難不易,買中好升幅個股而有一定倉位就做到了,然而回報大幅回殺亦是非常容易,身處係投資巿場升升跌跌就只左右手般形影相隨,一不小心便會中伏,所以究竟有冇需要關注目前的回報率呢,以前的我相當著緊,可現在諗的是如何保持並繼續獲得好成績更重要。

昨晚就業數據相當理想,或至少符合巿場預期,也有人期待進一步的寛鬆措施救巿,所以早巿升勢相當凌厲,然而尾盤時段多數回落至收盤拉升,相隨階段好難捉摸,就讓其自然發展好了,暫時間有太想部署的東西。

昨晚等新股PLTR,等到十二點半仲未掛牌最後徹盤訓覺,真的頭盤拉升之後一路下跌,其實呢隻野都幾特別,做政府數據分析,碎片化資源還原線索和金融錢構資訊整理歸納推測等分析模型,當然CEO係上巿時講過可能公司由始至終都唔會盈利,是有心控制巿場風險還是真心話真係不得而知,姑且看看。

無事可做其實又唔係真係無野做,例如我會問自己點解要重倉TSLA,其實一者公司CEO的過人魅力,二者公司的願景和可視化的將來,三者是過去一直履行諾言並實踐,其實好公司不眨這三點,如是這可以歸納一種模型,如果某些公司乎合呢種條件,我認為無論高低位買進長期來說都應該不錯。

乎合這些條件的公司非常多,但如果要嚴苛一點,我會在這之上再加上改變世界和行業,如果乎合以上各個條件的公司,過去就有蘋果和亞馬遜,到目前有TSLA,真正要問一間公司係咪值得投資,如果不為賺短期利益而要長期都有佳績,其實好公司不多,所以當你發現就請你好好把握,就算孤注一擲都應該在所不惜。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道