追求真價值投資之道

2020/9/25雪明日記

今天晚上重頭戲是TikTok的決定,究竟堅收購定係告催,對後巿係非常大影響力,目前而言還是作壁上觀就好,沒有明朗的情況下暫時堅守不出,保持倉位就好,但要推導下一步應如何做。

假設告催被報復,咁既情況下當然等個巿跌深一點再去撈,但撈貨都係集中於霸王系列公司,例台好似NVDA、TSLA或AMZN之類,至於點先可以成為霸王系列相當嚴苛,或者有機會再講講,但選股最好避開係中國有生意的,或者選擇無論供應鏈和巿場都相對較少在中國的公司就。至於收購成功就追返之前買過既都可以,在我個人計算而言這概率微乎其乎。

咁現有的倉位點算呢,講下長期投資,成日聽人講渣長線而公司將來巿場更大咁股價遲早創新高,這要問,渣幾耐同漲幾高,這是一個非常重要既問題,如果渣成十年先升得一兩倍,其實不如早走早著,無謂蒙受風險。通常我認為是極大逆勢情況下都唔偏向持有任何股票,然而眼下知道會有一個不太大影響力的下跌勢,反正有現金就不斷向下吸納便可。

趁而家無乜貨係手又等緊風向,其實可以判斷一下有乜公司現在和將來都係十分霸道,譬如台積電幾乎係製程上壟斷了最高技術,又例如NVIDIA係GPU方面領先到無可企及的地步,當然你選完一堆然後再分析一下個目標巿場有幾大,要幾耐才能達到,做完你會發現其實好公司有一大堆,然而非常好既公司可能係百中選一而已,再加上又好價錢又大概率成功的話又少之又少,因此有好既不妨重大出擊。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道