2020/9/22雪明日記

昨日盤中最高差不多跌一千點,然而尾巿收復失地還要倒升,似乎應了一種宿命,一買即跌和一沽即升,如果係咁可以救巿的話,咁我都無乜問題既,燈都係一種境界,而家個巿又好似乜事都無,但AAPL我都基於安全理由全數沽出,仲要低位,至於TSLA昨天高位走了一百股,趁今天低位回補,然後看看電池日有乜新搞作吧。

點解沽左又要買回呢,其實同今朝香港時間ELON係TWITTER到講左幾段說話有關係,巿場似乎急於求成,然而ELON說新技術暫時未能大量投產,直至2022年,這下子降了巿場的期望值,對於股票層面而言,這是抵消了一次大跌的預防工作,而這則TWEET我只看到一件事,供不應求而已。

今天討論了供應鏈管理,為何我擔心蘋果多於TESLA,是因為蘋果的供應鏈極度集中於某一個國家,而TESLA則是地產地銷以及最主要生產基地還是在美國,現在和將來也是,所以安全性而言較優。

究竟個巿係堅無事還是只是暫時穩定呢,都係無人知,目前來說就暫看暫做買賣,無求什麼長期投資,因時制宜就好了。

訂閱
通知
guest
0 Comments
Inline Feedbacks
View all comments