追求真價值投資之道

2020年第38週結

組合回報率46.74%,持股維持不變,只是做了一次平衡而已。

截至星期六晚至直播發出了對巿場一個轉勢的憂慮,詳細可以睇返我地既Youtube直播:

[youtube https://www.youtube.com/watch?v=T758kqhyxwY&w=560&h=315]

然而星期日又出了一則新聞,Walmart及Oracle與TikTok合作,Trump同意封殺延後一週,我想可以為巿場吁一口氣,但卻只是減少我的悲觀展望而已,TikTok後還有微信,還會有更多更多。

截止係呢一刻,我認為我會適當降低組合比重或者蘋果的持股比重,增加現金或者換馬至受影響較少的企業,劍拔弩張之間,受影響一定是散戶投資者,作為一個專業的散戶,沒有理由在刀口開飯,咁樣做你可能解一時之餓,卻可以送命,似乎和風險管理原則違背。

當然,文章出後及明天會否有更好的消息呢,這個不得而知,正如昨日直播後到今早卻出現了較為理想的消息,所以係呢種混沌不明的狀況之下,我就沒有理由去追逐風險,但不代表我看淡蘋果公司前景。

股價和公司好多時都係不相關,我們買的是股票,正如投資大師講巿場短期係投票機長期係秤重器,係好公司就最終會反映價值,不過呢種投資方法都係交返比有錢既投資大師去做,我是絕對的散戶就應該要表現得散戶,投機取巧才可以奇兵制勝。

以前賭鋤大弟,有謂手牌靚就羸多點,手牌差就盡量輸少點,其實同股票一樣,手牌除左係選股外,還有趨勢,既勢自己看淡趨勢就無理由一意孤行去做大好友,咁樣非常奇怪。

最後,無人知道究竟今次係唔係真係轉勢,包括我,我都係根據現有的事件作一些推測和部署而已,正如兩月預估大跌巿及四月聞到轉勢信號一樣,都是建基於對事件的分析和推測,所以參考一下就好,不能盡信,我不是神。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道