大升又大跌之際總會有人不斷反悔，底部回升又恨自己沒入貨想追，有人追貨見又下跌又唯恐跌入股災欲斷難斷，其實要分清楚係調整還是真正轉勢對於一般投資者來說非常困難，我也不敢保證自己能百分百準確，所以唯有將眼光放遠些少，利用組合法則來平滑風險和機會，達到長遠增值的目的。
昨天回補了AAPL，拜下跌所賜有機會低吸，而TSLA雖然升穿了組合預定倉位的10%，不過因為下週二是電池日，所以我又不急於調整自己的倉位，姑且看看會有什麼突破吧，無論公司或股價上。
至於巿場來說，儘管近期數據不好，但油價、金價及BTC都漸趨穩定，所以繼續維持是調整的看法，昨天有朋友問到如何看出是調整還是轉勢，其實一種基本面的看法，資金面和巿場心理，明顯現在資金面沒有什麼重大問題，巿場心理只是猶豫而已。
講太多投資既野唔係太好，講一講本站內容，之前預告會陸續有不同類型既內容提供，而本站都運作了一段時間，我想都應該改變一下版面和繼續橫向拓展，譬如我發現大家會講飲飲食食或者一些好玩既野，呢類型都可以寫下，識投資都要識得享受，唔係賺咁多錢做好呢。
睇其他專欄有一篇講到究竟要幾多錢先可以退休，其實無一定答案，唔信你問下身邊既人點諗，但大致上能力越高，我指既係理財能力，當然你具備其他專業能力，如一些手藝或者技能，都可以養活自己。所以有人用好少錢可以活得好好，有人要非常多錢多到自己都根本窮一世都無可能搵到既錢才能過活，與其係咁倒不如磨練自己能力，彌補一點差距更好。
