追求真價值投資之道

十倍隨想:人無遠慮,必有近憂~知足

只要有衣有食,就當知足…大家每次看到我文末,會否覺得作為投資Blogger,咁樣寫有點矛盾或格格不入呢?

點解我會咁講起,因TSLA轉眼間又上回450,開始又有朋友說早知早排跌就買,又或買左的就問走唔走好…答案是咩?

講真我都唔識估價位,都係心足賺唔賺左佢,尤其是短線,其實都係靠估同消息,股票短期價格是供求關係,所以其實沒短線可能有答案,賺唔賺錢落自己袋先,視乎你目標會是否心足賺夠。

所以答案好簡單,看你的,其實我們一直說投資最難是心態,除左選股,低買高賣眾所周知,但永遠真正左右自己是自己的心。

而另一樣是我們容易短視,正所謂人無遠慮,必有近憂。如果我一早認定升十倍,為何升一點回些少便擔憂,後悔不賣,即無信心,無遠慮,就會一跌就怕。

據我所觀察,完全跟我組合買的人甚少,大概因我組合少變動,既悶又不起眼,不精彩。當然雖比不上我常提的ARKK成績,但著實也不差吧。

至於知足,如果有份工作,投資有點收入,不計買樓,就算好好享受下,其實相信都夠生活所需,不必太著緊,投資上越唔著緊越表現得好,因為你能冷靜作決定,不會被情緒左右。

我曾提過三國演義中,曹操青梅煮酒論英雄時,給了袁紹幾句評語色厲膽薄,好謀無斷,幹大事而惜身,見小利而忘命。我都常想起這句警戒自己,說真的,論當時個人能力和實力,袁紹完全壓到曹操,其中一樣敗因是性格,普通人易犯的毛病,能力點高都好,心態才是決定境界。

投資同做人做好多事一樣,找合自己的方法,或者今天覺得世界艱難好多不如意,但望遠一點鍛鍊好心態,處世有遠慮而知足,不要被眼前事所迷所困,大利矣!

關於此作者

Ten Bagger

2000年開始投資香港股票,2013年開始在網絡分享投資,雪球大V,Ten-Bagger,之後亦有在Blogger及Facebook分享,2019年轉戰美股

追求投資大道至簡,但投資只是生活一部分。

只要有衣有食,就當知足。

加入留言

作者 Ten Bagger
追求真價值投資之道