追求真價值投資之道

2020/9/15雪明日記

今朝坐巴士睇廣告,有則廣告話小朋友只需要得到一件玩具就會滿足到幾日都訓唔著,但人大左反而好難好難獲得滿足,然後播放陳奕迅的歌:「孩童只盼望歡樂,大人只知道期望。」有時保留一點稚氣就是好的,大人係買或做一樣野時往往過多計算,即管本身你是很想達到的,還是有可能徹手,然而小孩子總是義無反顧,只要滿足自己就好,多麼純粹!講左一大段野其實係為乜,人生在世唔去滿足自己,咁又係為乜,有時計太多反而失去更多。

今晚凌晨蘋果發佈會,期望APPLE WATCH及IPHONE,會前眾說紛云,姑且就睇一睇今晚有乜好東西,明天再同大家分享。

以前很喜歡勞力士,一則我要花好大百分比的金錢才能獲得,二者那時候都是一小撮人擁有,都是惜貨之人,而現在讓我選擇我情願要APPLE WATCH而不是勞力士,有一個可以睇到自己健康狀況的設備更好。

咁勞力士係乜一回事呢,當初我買第一隻216570時花了整個投資組合百分之十來買進,那時候因為巿場走得太高(的而且確高位獲利後迅即回落),覺得無貨買就不如完成自己的心願,買回來後非常開心,完成了一個十年的夢想,有時就是這麼單純,如今那隻錶已經賣出換馬至126600 MK I,還有一隻116520,其實已經很少帶,看時日有機會再沽出獲利吧,曾經擁有便心足了。

如今的心願就是平安和健康,平凡多好!

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道