追求真價值投資之道

2020/9/14雪明日記

如果今天是人生中最後一天,你會悔恨甚麼事沒有做,這就去做;如果今天是事業初創的第一天,你會懷著什麼心態做事,保持這份激情。

我經常如此反問自己,有什麼事就即刻做,而且保持著激情的初心,所以好多事情即便我完全未接觸過也會很快上手,試問一下自己,一件事情並不是自己感興趣且熱愛,你就不會即刻去做,也不會熱衷,最後一事無成,即便自己當初說到天花亂墜,其實都是徒然,所以好好把握自己的熱情,趁未冷卻之際就向前衝,效果意想不到。

年假終於告一段落,回到工作崗位秒殺這個星期積壓的事務,可能自己曾經創過業,所以工作上也會運用上述法則處理,急與唔急都係即時做,咁就偷得浮生半日閒,自己更多了時間去做研究了,工作和創業其實好相似,又或者咁講,工作係人地比幾多你做幾多,當然你可以做多點,創業就無人會話比你知做乜,而你要知道自己要做乜、應該做乜和如何做,我非常鼓勵別人去創造自己的事業,你唔去行出一步永遠括限於工作之內,其實無人可以幫你致富,至少眼界上面,不用談到人脈和財帛這麼遠大。

執筆時期貨升勢凌厲,NVIDIA正式提出收購ARM,出價400億美元,同事晨早撥個輪過來問其實呢個出價貴唔貴,我沒有答,其實回應返之前關於TESLA的看法,如果公司發展係遠大並且有可達到的預期,咁既情況其實係相當值得,唔識既人會考慮貴唔貴,換一個角度去諗值不值得,你看超級電腦富岳都係基於ARM架構,可想而知,而且NVIDIA的視野已由遊戲去到AI方面,可以說收購ARM已經唔係貴唔貴問題,而係非常值得咁做。

坊間說ARM一年收權利金只是數十億,以400億天價收購回本期需要廿多年,咁諗法的話其實可以疊埋心水打工等死,你放眼望埋個巿場,股票閒閒地都幾十倍PE,又或者無盈利公司一籮籮,如此視野只考慮貴唔貴並不是值唔值,肯定誤事。

人生很短,出手要大,唔好比自己的思維束縛自己,勇於去嘗試,日日返工放工云云如是,你唔覺得好對唔住自己的人生嗎,到終結一刻,你又會否後悔自己當初無及時去做自己想做既事,投資如是,便宜與貴,成敗得失,最重要係自己認為值得,咁先無悔。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

作者 雪明
追求真價值投資之道