追求真價值投資之道

2020年第37週結

回報40.7%,30%TSLA及30%AAPL,重整組合,提高現金比重,個巿依然回調,納指100距離我目標還差四百點跌幅,應該差唔多,除非局勢又有乜新變化,這個不得而知。

接下來其實除非繼續破底,否則組合都會依照這個比重運作下去,升沽跌溝保持原設比重,我的每日日記都會淺淺地交待一下,下星期蘋果有SPECIAL EVENT,唔知有乜新PRODUCT出,好期待,買返隻APPLE WATCH同IPHONE先,還有對佢個SILICON幾有興趣,拭目以待。

然後ELON又話電池日都有唔少正野,咁我都好希望個股價繼續大幅上落,咁先有機會繼續買賣,昨日直播題目為心態決定境界(有興趣可以係MENU到點擊我地既Youtube Channel睇下,記得訂閱同比個LIKE,如果你覺得係好的話)。係近期大波動之中好多人對投資又產生了不同諗法,進取的變得審慎,又或者明白點解我地兩個都偏向大比例保持現金,這是好事,至少每一次跌巿都讓更多人明白風險管理是怎樣一回事。

話說兆華兄終於答應係我地個BLOG到寫關於保險及個人理財的文章,實屬萬幸,我地既BLOG都更多內容可以幫助讀者了解其他方面的事情,正所謂孤掌難嗚,但志可以成城,這個BLOG其實係屬於大家的平台,如果各位讀者自問可以係自己的專業領域內有過人觀點,不妨係到分享比大家。

按星期五的跌勢,我認為科技股還是有機會繼續調整的,然而道指及標指都漸漸穩定下來,所以我不太認為係股災,每次回調都是買進機會,事實上大回調每年都係出現兩三次,這是我決定重整倉位的一個原因。

最後老話一句,願天下人平安幸福,健健康康!

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

作者 雪明
追求真價值投資之道