追求真價值投資之道

以無限為有限

以前買地產投資股,你會知道佢估值總會有個極限,只要全部租出而且租值已近上限及資本還原率貼近十年期國債,就知道估值已經係頂峰,再多只係個巿場傻而已。例如領展,點解個息咁低都會上,因為知道佢仲有場翻新加租,咁自然個息率同估值都會上升,大家食既只係佢未用盡個租值,其實實陣個貼現率已經升無可升咁滯。

又例如話汽車股,你知道巿場需求有幾大,佢生產線有幾勁,但極其量你都係計盡佢未來兩三年既產銷比值去計算佢既估值,總會有其極限,過高就係貴,過低就係便宜。

以上都係傳統股,以前你憑藉計量優勢已經可以賺到唔錯既收益,但現在呢?

騰訊唔知幾時叫工程師打左堆CODE然後搵美工去畫左堆動畫結合一齊變左王者榮耀,然後上架APP STORE,結果賺到全天下既錢而且你永遠唔知個天花版係邊。又例如支付寶,只係用來支付同CONNECT生活上既任何事情,但隨著總體消費上升個交易數字上升,收益就自然增加。還有背後既DATA MINING未計算入去,咁究竟個天花版係邊極限又係邊,你又知唔知。

有時啲野你講得出去到邊為之盡就叫有形經濟,但有有啲野你唔知個極限可以去到幾盡個時就係叫無形經濟,咁睇既話,你仲會唔會問我究竟點樣去對無形經濟做估值呢,仲去用PB或者PE去做估值,唔會掛。

遇有些看似是傳統經濟既股,但其實根本就係無形經濟股,好似IPHONE咁,你以為佢係賣電話,但背後無形既附加服務,究竟如何做值根本可以用藝術去形容。

無錯,講到呢到,投資無形資產根本就唔係科學咁簡單,根本係藝術行為,咁當然又唔係叫你去亂咁不問價追,點去做呢,大概係你認為呢間公司信唔信得過,可以做到幾大,食到幾大個巿場,成個巿場又可以搵到幾多錢,咁去做整體巿值估算,大概還是有跡可尋。

仲係好玄,我都明白,但如果咁易去做去計,咁我都唔使係到打咁多字,對不對。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道