過來人 — 腱鞘囊腫(Ganglion cyst)

作為過來人,剛剛開咗一小刀移除手指上的腱鞘囊腫,今日就介紹下佢。(WARNING: 有手術圖! 怕血勿入!!!)

其實小弟做已係三四年前係右大姆指屈肌有一腱鞘囊腫,當年經常去室內抱石(一星期三四次,每次兩小時)經常要point toe,可能勞損關係中招。結果又好彩地我當年學緊針炙,師傅出手針爆咗佢,之後就無乜點痛,有時又會脹番小小,但基本上可以徒手按爆佢就解決了,你無聽錯係徒手按爆佢,係中世紀係用聖經打爆佢

今次中指伸肌腱鞘中招 (2mm cyst),可能係用中指發力太多(唔係舉太多,放心),所以要自我檢討下治療時自己其實應該再省力D,都係教多D運動好了。

其實腱鞘囊腫是什麼呢?

腱鞘囊腫睇落係一小塊皮下的腫塊 – 實質是一種發生於關節囊或腱鞘附近又內含膠凍狀粘液的良性腫塊。成因不明,目前主要認為與關節囊、韌帶、腱鞘上的結締組織因局部營養不良,發生退行性粘液性變性或局部慢性勞損有關,導致圍繞關節或肌腱的滑液洩漏並聚集於一個囊中時,就會發生。

Ganglion Cyst of the Wrist and Hand | Rehab My Patient

腱鞘囊腫可以在身體的任何關節旁出現,但最常見於手腕(尤其是手腕背部),手和手指,一般不超過2.0cm。腱鞘囊腫與皮膚無粘連,觸之堅硬,有彈性,可有囊性感,基底固定,壓之有酸脹或痛感。大多逐漸發生或偶爾發現,生長緩慢。X-ray 可以排除骨關節問題;超聲波檢查有助於與表皮樣囊腫、皮脂腺瘤或脂肪瘤相鑒別;或者單憑經驗都可以了。

腱鞘囊腫本身無害,但有時會好痛。如果它們沒有引起任何疼痛或不適,就可以不處理,亦有機率可能不經治療就消失,但這可能需要數年時間。

主要治療方法如下:

  • 外力壓破、擊破、破或用針刺破囊壁,待其自行吸收,可治癒,但易復發。(我已經又試過自己壓擠針刺,結果係佢太強,爆都唔爆!!!) 唔好自己亂來,過程其實超痛,有事正常人係要睇醫生,唔係自己來!)
  • 醫生用粗針頭穿刺,儘量抽盡膠狀液,待其自行吸收,可治癒,但易復發。
  • 手術,正接連根拔起!雖然最正接,風險就係細機率復發及感染。

我現在小手術後 day 3,day 2已洗傷口,今日活動大約自如,有小痛。要食5-day-course antibiotics 去減低感染風險。

總之大家錫住自己,玩運動好開工好,都要主意身體,健康無價。

訂閱
通知
guest
2 Comments
最新
最舊 最多票數
Inline Feedbacks
View all comments
CKO
CKO
13 日 之前

我>20年前手腕位都做過手術, 當年反而個醫生講唔到個中文名我聽, 我都唔知點同人講隻手做乜, 佢都有講bible bump, 中醫仲勁, 佢話用d toad 剁碎”fu” 上去, 最後當然我信骨科啦!
~CK

Last edited 13 日 之前 by Michael Poon