有留意我之前有篇文寫微軟業績(https://tenbaggersnow.com/archives/6220)，其實微軟一直係我既購買列表之中，幾本上可以話係我既基石之一，當然好多人已經話佢係廢老股無將來，但情形並非如此，唔好下下見人地大大隻就以為人地增長好慢。
先唔講其他野，最近收購語音公司Nuance，究竟係乜來頭？
我想大家都應該好熟悉APPLE語音識別系統SIRI，而Nuance 既語音辨識技術就係Siri 語音軟體基礎，另外，佢亦都係AI同雲端技術醫療應用的領導企業，擁有超過一萬位醫療領域客戶，包括醫療機構及研究單位，超過77%美國醫院都用佢地既解決方案。
咁究竟呢單刁有乜咁好，其實巿場唔太睇好，甚至話比呢位印藉CEO搞死微軟(人地起死回生個時又唔見你讚下人)。總括有兩方面，其實上面已經寫左，就係語音析別同醫療AI。
係語音析別世界裏，微語係眾多巨頭係最落後，甚至幾乎都退出投資，最為人熟悉既係SIRI，GOOGLE ASSISTANT同ALEXA，而家微軟用錢一野就收左個現成系統，無形中可以彌補左一定既差距，另外Nuance都有針對政府服務和軍方語音識別方面既範疇，咁樣成件事同微軟本身既服務定位就變得相輔相乘。
至於醫療AI方面，你可能會問，乜微軟有撈到醫個方面架咩，其實巨頭既世界比大家想象更無遠弗屆，無錯微軟係醫療雲方面係非常努力，其實AWS同GCP都有醫療雲，所以大家都唔使咁出奇，咁自然收購呢間本身已經有咁多醫療客戶既AI公司變得順理成章。
來到最後，究竟成160億美金收購呢間野抵唔抵，你話計數上面來講就好鬼貴，但實際上數據為王既年代，有多一條通路去吸取數據訓練就已經唔係錢可以計算既價值，今時今日你仲計住個股息回報率同巿盈率，幾本上等被時代淘汱。
