淺談腰痛 — 盆骨前傾?

腰痛十個有九個人曾經腰痛。

腰痛可小可大,輕則一兩日復原,重則腎石或馬尾神經壓迫綜合症(Cauda Enquia Syndrome (CES)等。其實十之有九為原因不明之腰痛,不過往往如果沒有嚴重症狀,其實不用擔心太多。但如有1. 失去部份下肢力量;2. 大小便失去控制;或3. 私處周圍有麻痺 ,請盡快去急症室,因為你有機會已中招 — 馬尾神經壓迫綜合症(CES) — 如檢查後屬實就分秒必爭並要盡快進行手術(24小時內)為神經線減壓,否則有機會下肢癱了。

Donald Duck - Wikipedia

回歸常見腰痛,大部份腰痛學術上係原因不明 ,MRI報告上見到椎間盤突出並不是絕對,報告當中其實永遠都係建議對番臨病症狀,不能單單用MRI報告就可以診斷。在物理治療以言,常見主因有:長期不動、壓力大、發力系統不協調、急性扭傷等。曾經有一位病人腰痛睇我,其實佢都係少少扭傷,教下運動做下針炙同手法三四次就其實想佢自動運行,discharge ,點知有人同佢講話你個MRI報告好差,無理由唔痛,嚇到我個病人恐動 (kinesiophobia) ,肌肉自行上鎖,唔痛都變番痛,我要用多3倍時間先可以改番佢mindset,之後就回復正常 。

MRI 唔係唔重要,但係睇你點用,香港來說,一個字濫!在英國,腰痛做MRI一係懷疑大野(Cancer, CES, etc),一係保守治療幫唔多要考慮開刀。

佢有不少病人因為腰痛,驚再弄傷,只懂休息躺床,往往結果就超乎想象地差。反之,輕度活動或者簡單運動效果更佳。如果遇上腰痛,熱敷又係你好朋友,可以減少痛楚及放鬆肌肉。可以一日三至五次,每次15至20分鐘。<注意小心燙傷>

當然有任何疑問,應尋求相關專業人士意見。

臨床上其中一種常見到的模式就是盆骨前傾,唐老鴨可以話係當中代表。好多人自知寒背,所以挺腰去尋求腰直的感覺。可惜的是知道問題是好,解決方法有誤。寒背是背問題,放過條腰啦,好唔好?佢無辜的!你唔係唐老鴨,千萬唔好學佢。有寒背放鬆自己,輕輕將兩肩後轉再放鬆,輕輕挺胸收腹再放鬆,下巴輕輕向後收再放鬆,總點是輕及放鬆!長期盆骨前傾住住會令核心肌肉羣(abdominals/core)及臀肌(gluteal)發力不足,豎脊肌(erector spinae)及髖屈肌(hip flexor)過份發力。

Lower Crossed Syndrome Explained

如有盆骨前傾的腰痛,可試以下動作 (至少早晚做):

1. Superman

2. Seated Cat and Camel (係office,坐係到就做到,每半小時10下)

3. High lunge pose

最後當然係老生常談,久坐不動是問題。如果你可以每半小時輕鬆企一企,時不時轉下不同姿勢,其實腰痛風險較低。辦工室工作的,setting真係要搞搞佢,勞工處辦工室職安健網頁已夠用。勞動性工作的,千萬不要貪快,拎重物要腰腳合一,缺一不可,用全身;有工具用工具,唔係分分鐘又工傷…

記得記得如有需要或對以上疑問,就要尋求相關專業人士協助,早處理早無痛。之後遇上差不多問題自己都有一定能力自行處理下。

訂閱
通知
guest
0 Comments
Inline Feedbacks
View all comments

Youtube 直播現正進行中,有興趣讀者可以去以下連結收看

歡迎使用Skype Phone In 直接同兩位主持人對話

Skype ID: Tenbaggersnow

https://youtu.be/at6t1bXlF1k