追求真價值投資之道

名牌信仰

以前我認為手錶手袋先有會名牌效應,想不到學術研究或財經界別都有,因此衍生出非常多專家或財演,成為產業,畢竟巿場受落。

一般人篤信專家或所謂名牌,認為只要係佢地出品就一定係佳品照單全收,慢慢地形成一種信仰,我認為信仰先很危險的事,因為令人變得盲從,失去自我批判能力。

例如今天我說買進A公司,講到非常有前境,基於你對我既信仰你跟進,然後隔天我完全厭惡該公司,怎辦呢,因為曾經散播了給信徒,如果你今天沽出,那麼得來既係一定有一部份人會強烈評擊你係牆頭草無主見。

如是者,因為信仰都有商業價值呀,財經界可以做財演,收錢寫分析、出書或者開班教學,條財路好大好長,於是為了討好信徒,也許會出賣良知唔去披露自己觀點扭轉既事實,我講既係可能,如有雷同實屬巧合。

慢慢地,信徒每天只想聽到教主說相同的說法,以堅定他們的信念,而教主亦因為要順從信徒,慢慢地操作或心態會扭曲了,最終雙方什麼都沒有得著。

我記得以前玩雪球識左Ten-Bagger,那時候佢還是傳統計量價值派別,但我對呢種計量派儲在好多疑問,以前文章都講過呢D問題,於是私信佢,半帶挑戰半帶學習心態請教一二,後來大家都指出一些問題再過渡到無形投資方向,但反觀其他少數的名家,我也試過相同做法,結果換來對自己毫無質疑的答案。

嗯……即使現在,我都不時挑戰自己的想法和持倉是否有問題,那裏可以做得更好,比較貼近我操作的朋友便會得知,我即使今天好看好一支股,可能隔個三五七時便會有新想法,但實況是越戰越好。

人應該與時並進,沒有一套武功可以打偏天下無敵手,強如巴菲特都會反省自己當初應該買進亞馬遜同蘋果,而佢亦都身體力行去嘗試突破自己已取得重大成功的界限,我們後生,為何又不能呢。

寫這篇文章,都希望大家引以為鑒,唔好當名家講既野一定係無錯,再鋒利既刀都會生鏽,何況係人。而我暫時唔想寫持倉和個股,一者我唔想好似上面咁講你地懶做功課或者信任而盲目買進,咁樣做無論羸錢同輸錢都無益處,另外,我想你地明白我整套思路是如何,這樣才會全神。

最後,其實我2007年已經有寫BLOG,如果講財經BLOGGER來說,我可能都算係元祖級,第一個BLOG係YAHOO,而家應該無左,我曾經都好介意讀者反應而選擇左擱筆,自我修行獨步江湖,不過自覺現在想法深入了,就跟大家分享一二。

我希望我的讀者不要成為我的信徒,也希望有天各位讀者可以大力指出我的想法和操作的不是之處,教學相長。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道