追求真價值投資之道

非金錢觀總論

究竟何時開始脫離資產負債表去投資無形資產,我諗要追索到去2017年,思索為何騰訊能長升不跌,按價值投資去計數其實係貴到離晒大譜,但結果佢就係長升長有,反而一些資產淨值高於股價的,或淨現金數目高於股價的所謂可價值回歸股,到今日仲係一隻龜而無回歸過。

因為以前巿場是受有形制約,例如做生意會有生產和地域銷售限制,你總無可能今天在此生產了一件東西,第二秒就在其他地方取得,但APP可以,有左CLOUD軟件或服務都可以即秒建立即秒生產,好似王者榮耀咁,呢到上架,第一日就可以全人類一齊玩,只要你想玩就得了,但傳統企業沒有這等優勢,就咁樣一理通百理明,唔好死守什麼資產值或PB,根本大勢已去了。

按此一思路你發現,屹立於巿值十名的企業大多數PB、PE都係貴到離晒譜,但一個十年長期趨勢之中,傳統企業被佢地越拋越遠,咁你仲會唔會諗,未來五年十年傳統企業會追上去,或者因為無形企業太貴均值回歸到低價位呢,我幾本上可以答你,絕對不會。

趨勢不會因為價格而逆流,你有可能因為智能手機貴而用返數字手機嗎,串流時代都又快又靚你仲會唔會去買DVD來睇,咁講既話你又覺得會唔會追落呢?

另外,講一講我對TESLA在中國生產及營銷的觀點,坊間十之八九分析員都認為在上海開廠產銷能提高營收之類,其實我想說如果你有留意ELON的發展藍圖,佢目的根本不是賣了多少車,這只是到最終點的一步,真正是要發展Self Driving同Robot taxi,咁同去上海生產有乜關係呢,嗯…大家睇到既係傳統數據,而佢應該係,照計係,無理由唔係希望取得大眾既交通數據來訓練佢既SELF DRIVING MODEL,咁點解要係中國,嗯…你睇歐美對個人私隱幾重視,咁你認為咁講又有無道理呢?

好多野,只要你跳脫左金錢既束縛,可能成就會更高,錢只係目的地,真正由無到賺錢,中間還有一條橋,就係產品及服務,有時候做左D事情唔係為左賺錢,但最後可能最賺錢,你話我係到每個工作日都寫文章,我又無錢賺,但我相信你會認為或將會認為值得去付費收看的。

為自己認為值得去投入的地方支付,包括股票買賣操作,除非價差好闊既產品,否則我幾乎都是巿價執行訂單,不要為了慳或多賺個一蚊幾毛而錯失了一個最佳時機,止損要果斷,賺錢要堅定,當你既心思放左係價值上而唔係價格上,長遠來說必有得著。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道