追求真價值投資之道

小心頸痛

今日會講頸痛問題。

好多朋友仔都有試過頸痛,例如「瞓捩頸」(wry neck)或者無啦啦做做吓嘢就頸痛。其實平均50%人過去6個月曾經有頸痛,所以你並不孤單!有部份人純粹頸痛,有另一部份人同時有頭痛或者頭暈問題,又有另一部份人甚至有上肢麻痹或放射性痛楚;今日集中講普通頸痛 (non-specific neck pain)。
其實頸痛主要成因:

  1. 心理影響 (失眠、精神壓力大、抑鬱等等…)
  2. 工作因素 (工作滿意度或工作性質)
  3. 缺少活動

我睇症時不時講笑話我吹水醫痛,但其實係要幫病人唔好將頸痛災難化,要令他們明白其實絕大部份有得醫。
總括而言,壓力影響最大
臨床上常講坐姿站姿,因為都可以同頸痛有關係。最常見係圓肩和烏龜頸,往往依個姿勢係辦公室工作的人士中十分常見,但其最大問題的是他們久坐不動,長期坐定定是找痛。
你試想想一個保齡球咁重嘅頭骨要用頸後面的肌肉支持着長而久之造成勞損,令胸大肌、上斜方肌長期崩緊,又令頸部深屈肌和下斜方肌等無力(fig.1)。

                                    <img width="627" height="632" src="https://tenbaggersnow.com/wp-content/uploads/2020/07/upper-cross-syndrome-illustration_chin_fig.png" alt="" />
    <p>遇上這種情況,其實<strong><u>有動作可以幫手舒緩甚至根治頸痛</u></strong>, 一日做三次,(如食藥一日三次):
  1. 頸部深屈肌練習

    https://youtu.be/9X5Feh3XNQ0

2. 胸大肌拉筋

3. 肩胛骨控制練習  

(以上連結只作參考,本人並與他們沒有任何利益。)
如果遇上頸痛,熱敷係你好朋友,可以減少痛楚及放鬆肌肉。可以一日三至五次,每次15至20分鐘。<注意小心燙傷>
與此同時,不要害怕頸部活動反而要盡量維持活動,因為很多時恐動(kinesiophobia)更可怕並帶來更多痛楚及減少活動幅度。但當然量力而為,有輕微崩緊的感覺其實就可以了,不用刻意做到痛,放鬆心情,俾少少時間自己身體調節,往往結果會更好。一般來說,頸痛大部份會輕則兩至三日,重則一個月內復原。如有任何疑問,記得去睇醫生及向相關人士查詢。
打機嘅朋友仔,記得小心頸痛!好多時打機打到忘晒形,越打越激烈,腎上腺急速上升,全身肌肉崩緊都未知,打得耐咗自自然然有機會出現頸痛問題。記住記住每場之間要做下動態拉筋,郁吓郁吓腳,站住又打下坐又打下,要長打長有 – 各位朋友,戰場上見,記得carry 我。
如果你有任何頭痛及相機麻痹或放射同問題,處理可以好唔同或者可以話要更加個人化,呢個題目下次再講多啲,拜拜。

關於此作者

Michael Poon

2015年英國畢業後回流返港工作,曾於公私營機構做物理治療。現職香港某處私人診所。在此頻道同大家分享健康資訊,大家多多指教。

加入留言

作者 Michael Poon
追求真價值投資之道