追求真價值投資之道

休息中新高中

自從上星期五清倉後,個巿徘徊兩日後美國又有新刺激措施,包括放寛華為、航空管制以及萬億醫療基建,幾樣野間接將個巿又拉返上來,創出新高。

而係能夠賺錢和充分休息間我選擇了後者,對我來講人既第一資本係健康,錢幾時都可以賺,即使創出新高只要趨勢繼續也可以照買,今年一路以來我都係向上買進,沒有畏高症,反而在下跌巿場之中我並不貪心,睇落去好似同散戶亂炒無乜分別,如果你認為係既話就姑且當係吧,如果唔明白趨勢的定義,咁當然就真係無分別,但其實我每一個交易最先睇都要巿場的趨勢是正是負,才作決定。

對目前巿況而言,我覺得好之中又帶點隱患,譬如第二波爆發、中印衝突、南北韓交惡及中美貿易關係等等,全部看睇巿場數據波動好似好少事,但微量變化都會觸發大趨勢改變,比我係呢個巿場我頂盡用五成資金操作。

如無意外,接下來我會恢復交易了(其實昨晚都DAY TRADE了一轉),但一如以往保留大量現金備戰之用。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道