追求真價值投資之道

雪明組合2021年第6週結

組合回報19.14%,最近個巿都係往住復復無乜特別,暫時都係持有TESLA。

多得群組內頸痛兄既指點,終於叫做明白多少少關於DNA 至蛋白質之間既關係,其實對於一個非理科畢業生來講簡直係玩命,唔好睇我地好似求求其其咁按兩個制買幾隻野等收錢好輕鬆,只係你無見到我地係人地吃喝玩樂個陣我地忙於研究和思考而已,會唔會咁好辛苦呢,其實唔會,本身個人視研究為樂,所以就算放假都樂在其中。

而去到呢你亦都會發現,係喎,點解睇左咁耐都唔使登入就可以睇晒既,無錯呀,呢篇文章FREE FOR ALL,都好耐未寫公開文章,所以益下街坊。以往有跟踪開我文章或者FB Fanpage都知我係TESLA死忠,買股票都係單兵戰法,所以我封唔封文章其實對於你地來講根本唔大分別,當然有時都會買下其他野咁,呢D就只有付費會員先知。

究竟其實係咪乜野好都要買,定係專心搵勁野渣住會好一點,其實概無定論,有人性格覺得每日都要做下刁先開心,你叫佢由頭買一隻坐到尾佢肯定周身蟻,換轉另一個角度我都唔想見好就買,究竟好有幾好,我個人對好既要求簡直可以話係苛刻,應該仲苛刻過CAT姐。

所以我如果有時間都想寫一寫我認為會偉大既公司,其中但不限於SPACE X、STARLINK及TESLA,當然仲有其他少數我認為係值得長期投資的公司,有機會再寫一寫吧。乜野叫偉大,幾本上係做一樣前所未有既事,兼且係去開創一個新巿場而又能癲覆人類生活既東西,即係點呀,勁囉!

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道