相信大家睇完幾個post，現金流都會大大提升。呢集就想講下一樣好重要既野就係點樣令銀行唔懷疑你，呢樣野對你入錢買crypto/玩信用卡有一定幫助。當然係無100%做到，不過減低到比人查對你一定有好處。
銀行會查你既原因
銀行會查你既原因主要係因為驚你洗黑錢(AML)或者用信用卡作商業用途 (記住之前教既方法都屬於套利既行為，銀行係有權當係商業用途，請自行衡量風險)
- 收入與支出不相符
- 即係你個個月搵幾萬，但碌就碌廿幾三十萬，銀行好難唔查你，但一般黎講搵幾萬碌十萬八萬都係合理既（大佬屋企裝修，結婚都係洗呢個數目）。
- 經常自己轉賬比自己另一戶口/同一個收款人
- 呢樣野可圈可點，你有一個合理解釋就得。點解釋？交家用，比錢女朋友儲黎結婚，當然如果你唸住買樓就要再小心，因為做按揭時銀行一定查家宅咁睇哂你Ｄ月結單有乜可疑交易。
- 經常現金存款
- 銀行最怕就係黑錢，正如你係crypto/澳門賭錢羸好多，你無拎到任何證明，拎住一百萬現金入銀行，銀行都未必會肯比你存錢。
點避免比人查?
講完點解會比人查，當然就要講下點樣可以避免比人查，記住兩樣野就得：
第一，唔好一次過入哂Ｄ現金去同一個戶口，分散地入，一間入幾萬，銀行又點會花時間理你？（查你既成本同佢出糧請人查你不成正比）第二，就係儘量收現金唔好等人地過數（你戶口乾淨姐點知人地係唔係乾淨，佢唔乾淨比人查咁咪連鎖效應查埋你。一手交錢一手交貨唔係更安心咩？）
至於入去乜戶口，主要有以下考慮：
- 首用虛擬銀行收款
- 虛擬銀行咁多間，ban jor咪用第2間
- 其次用中資銀行
- 虛擬銀行無得櫃員機入錢，咁就中資銀行入錢。中資銀行出哂名電腦系統差，同埋以往比人罰得少錢，佢地較少會查，查只不過係做樣比金管局睇，令佢地就過到compliance。
- 避用匯豐/渣打存款
- 現金入錢落匯豐／渣打就可免則免，佢地呢幾年比人罰左咁多錢，寧濫勿錯，投放多左錢去請人做呢d野。比人ban jor 匯豐戶口相信對大家黎講唔係一件好事。
- 直接現金入落信用卡找卡數
- 安信可以7-11找卡數，簡單直接，唔洗經PPS。或者部分信用卡接受存款機找卡數，咁你咪入張信用卡去櫃員機到找數，銀行戶口無乜出出入入，你又唔會無找卡數，有借有還上等人，ＴＵ分數大提升，銀行見你用得佢多，分分鐘又會揀你做特選客戶，再比更多著數優惠你。
