第四間公司亦係五絕之一，亞馬遜，話說因為疫情比我預期要持續得更久，唔知大家有冇留意另一隻電商股SHOP，增長都好亮麗，其實係一個大趨勢，疫情加速了電商發展，目前持倉佔比約20%，昨晚出了業績就同大家講一講。
數據行先，咦，點解近十二個月既自由現金流低左咁多既，如果單項數字不探究原因其實就會出現咁既問題，但實情係營運現金流高左同時資本開支繼續加大，喂，大佬，會唔會係好公司呀，咁大間仲要燒咁多錢，資本密集型公司？當然唔係，亞馬遜之所以係亞馬遜，靠既係不斷將公司既資源投資未來，所以睇見佢近十二個月燒左四百五十億美金(唔好忘記微軟一年自由現金流先係五百億左右)，可想而知佢有幾重視未來同競爭優勢。數據就自己睇下下圖，唔多講。
國際業務方面都開始正數回報且增長迅速，莫非係另一春，其實唔出奇，話晒係海外都投資左好耐，另外AWS方面增長不及AZURE及GCP，但增速依然保持不錯增長，基數大左，增幅低左好自然既事。
還有下圖，收入分佈已經係電商與非電商收入各半，尤其係廣告事業及其他媒體會員等訂閱服務收入不錯。
總括而言，其實我找不到理由不買他，又或者係我搵唔到理由沽出持股，咁就繼續持有吧。雖然最終無分拆，但盤後依然略有升幅。
