第三間我持倉20%既公司─AAPL昨晚都公佈左Q2業績，一個字Outstanding概括之，此文完結。
講笑者，先講下數據，半年自由現金流570億美元，已經等於MSFT一年既現金生產能力，亦解釋左點解巴菲特最終都投資於此既原因，相對上年同期398億，增長超勁，其實尤其係IPAD同SERVICE SECTORS，證明左蘋果由硬到軟既策略成功，今年全年SERVICE SECTOR應該可以去到650億營收以上，此外因為產品週期加速，例如最近IPAD PRO同IMAC既更新，理應可以令原本沉寂既Q3得到更好增長。
其實AAPL真係沉實到無野可講，無可挑剔，將來有乜新野其實都未知，譬如話AR GLASSES或者ICAR等項目，好似有但又未有什麼公佈，幾本上想講都係吹水而已，咁就可免則免了。
不過蘋果令我最開心既係，佢既股份回購令股東會有好強列感覺，今期又新增900億既回購額度，你作為股東都咪話唔開心，廢話唔多講，我會繼續持有，貼張圖比大家J下。
