追求真價值投資之道

天下五絕─TESLA 2021年Q1業績

昨天終於公佈TSLA 2021年Q1業績,大致上我可以話係近兩年來最無驚喜的一份報告,縱然業績非常亮麗,但其實係報告中交待的事情和預期發展都不太有啓迪作用,說話昨夜開巿上升之際已將所有SP獲利了結,轉而投放到其他項目(會員自行查看我的組合,其他待業績公佈我會再寫一寫點評),目前TSLA只佔倉位約10%而已。

明明自己係極看好TSLA點解又要大手平倉,我想呢一點應該最多人想知,但其實最近事態發展確實令人感到憂心,內地維權事件,簡單而言如是說,且看如何發展,本文係公開文章,我就不多說,這事件要看如何發酵和官方機關如何了事,目前來看似乎還在蔓延當中。

柏林和德洲廠進度似乎比預期慢得多,而多人關注的CYBERTRUCK及SEMI又不多消費披露,加上4680電池量產似乎都要下一年度才會有所進度,呢幾樣大進程都比巿場預期差些少,至於財務數據其實係Q1交付量個一刻大家已經預先PRICE IN左,所以大家打算睇埋業績先再諗沽出換馬似乎就無考慮到呢一種既成事實效應。

呢份REPORT有乜亮點呢,我可以話你知幾乎係無,至少我讀完之後我感覺唔到,好多譬如FSD V9.0同訂閱模式呢幾種說法其實都已經知道好耐,所以總括而言,我都唔知巿場期待乜野。

當然Bitcoin係其中一個重點,公司賣出小量BTC既話法是考驗一下數碼資產既轉換能力,而Elon同CFO都異口同聲話睇好BTC並且還會持續投資,巿場戲稱TESLA不如考慮結束所有虧損部門專心炒賣BTC好過,當然呢種係幽默非常既說法,實際大家都知道最寶貴既自動駕駛落地之後將成世界王者。

現金流方面一如預期Q1都唔太好,但至少已經翻為正數,但都能夠睇得出暫時來說TSLA既FCF都係好週期,將來有持續性收入應該就會好少少。

最後利申本人持有,目前沒有增持或減持的念頭。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道