追求真價值投資之道

2020/10/13雪明日記

2

無啦啦打風,已經十月中都仲有颱風,仲要放左成日假,其實都幾著數,而家唔使經商做返打工仔當然係爽,但如果自己做生意,你會好厭惡打風,除了經濟損失,尤其做PROJECT個個期限會趕到嘔血,所以一樣的風,唔同人唔同解讀。

昨晚沽出NVDA換入ARKW,其實有時候好難解釋自己沽貨的行為,有百分之四十沽貨的原因出自第一直覺,當下一刻想換其他股票便會沽出順位最低的股票,但都係個句唔代表我唔睇好NVDA,只是認為當前ARKW比NVDA可能係更好的選擇而已。

話說買跌沽升,一買即跌一沽即升,已經唔係第一次,眼見出面都好多人有咁既宿命,我想講,下一刻個巿場係點無人知,做好呢一刻要做既野就好了,錢無可能賺盡,有錢就可以了,投資不是如此嗎,享受買賣的樂趣以及成果的喜悅。

譬如說三月前你會後悔自己無係四百甚至五百元入TSLA,然後三月又後悔自己為何不在九百沽出,然後捱價,到現在又後悔自己無係當時低位買多點,其實投資世界你要後悔既事非常多,也無人知道結果係點,現在來看,當日無止賺不是錯,但係你在三月份時同人行為係錯中之錯,巿場喜怒無常,不用太在意每一場戰役,投資係人生的戰爭,打羸個戰爭就可以了,不爭朝夕。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道