追求真價值投資之道

2020/9/21雪明日記

或不幸言中,匯控之類比人點穴,跌穿30元,除此之外照星期六的直播說法,來緊應該都會拳來腳往,當然有人仲抱持住樂觀態度,然而事態如此,我估計都幾難有轉機,所以我都係先行鎖定利潤,驚驚。

盤前時段蘋果跌穿105元,道指納指都唔需要言明,日元人民幣港元及長期美債較為強一點,顯示資金正找尋避風港,究竟係短期影響定長期,歷史會告訴你知,我不知道,不過我唔想參與呢一段歷史。

但問題是如果我清倉,萬一個巿完全無事就踏空,好多人亦會因為咁而變得唔敢去沽貨,其實如果趨勢明朗,你追返貨就可以了,我不是之前幾次也是又沽又追嗎,一樣能打出佳績,但蒙受風險可不一樣,下滑比上升要快。

TSLA有電池日呢一個期望去加持住,尚可抗一抗跌勢,但會否又爆掉呢,這要關乎期望值,如果發佈會只是如坊間所料而沒有新鮮事,咁樣個股價好難理想,而且大勢係前提,咁既巿場,你又會點去期望呢?

倒是之前留現金已經做得相當不錯,至少不會沒頂,但是真正轉勢,唔知會守幾耐,由現在起計一直至十一月大選還有兩個多月,雖知交易日來說兩個多月可以發展得好誇張。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道