追求真價值投資之道

2021年第15週結

2

名義回報率46.27%,執行期權後回報率32.83%,巿值法入帳則為5.05%,條數可能有點亂,反正係咁多,自己係基本撤出100萬元資本,實際組合現值約365萬,而資本額其實只有68萬,即係有三百萬既帳面值係賺返來,實際就係咁,有興趣就捐款訂閱我地。

本週CRYPTO世界風起雲湧,謂因COINBASE終於千呼萬喚始出來,然而最終結果係BTC之類既加密貨幣係周末跌到趴左係到,原因係官方出聲對洗錢加強打擊,老老實實,無論如何好似之前咁講,越打擊就越係會野蠻生長,但要注意唔好乜幣都買,要留意最終應用場景是否存在,否則徒然。

另外東南亞既SUPER APP都透過同SPAC公司AGC合拼上巿,預計係7月終會落實,目前大約最終巿值為550億美元左右,一個APP值550億美金,無野嘛?如果你唔明白咁就真係有野啦,ZM咁一個視訊軟件仲簡單都可以有1000億美元,科技世界如果再用舊世界觀點理論去理解,咁注定係會被時代淘汰。

其實直播都講左好多,會員想知自己重溫一下就可以,業績期來臨,又會可能忙少少,另外最近本人都甚少發文和係群中表達,只是不想太過集中跑財務數據,轉而現在跑一下身體健康數據,譬如三高之類,當然我本人除左血壓由細到大都比一般人高少少(又未至於高血壓)要控制一下外,其他幾樣托賴暫時沒有什麼問題,多些關注自己既健康,呢個先係最大既財富。

關於此作者

雪明
雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

追求真價值投資之道